01.06.2023 #Соңғы_қоңырау_2023

Міне тағы бір оқу жылы аяқталып, биыл біздің мектебіміздің түлектері бүгінгі ерекше өткен салтанатты жиында балалықпен, мектеппен қоштасқалы тұр...

Бұл күн – мектеп тарихында, мектеп бітіруші түлектер есінде мәңгі өшпейтін күн. 11 жыл бойы тәрбие мен білім нәрін бойына құйып, ұстаздарына анасындай еркелеп, балалық шағын алаңсыз өткізген жас түлектердің мектебімен, әліппеден бастап өмір заңдарына дейін үйреткен ұстаздардың шәкірттермен қоштасу күні.

"Өмір теңізімен арман жағалауына сәт-сапар!" атты соңғы қоңырау мерекесіне құрметті қонақтар: ата-аналар, ұстаздар қатысты. 11-шы сынып түлектері мектеп ұстаздары, мектеп туралы әндер шырқап, қоштасу вальсін биледі.

Құрметті түлектер алдағы емтихандарды,«Ұлттық бірыңғай тестті табысты тапсыруларыңызға тілектеспіз. Жаңа өмірлеріңізге ақ жол, сәт сапар тілейміз!